مقام معظم رھبری آیت اللہ سید علی خامنہ ای نے ‘محفل انس با قرآن’ کے نورانی پروگرام میں اپنے خطاب میں فرمایا کہ اسلام ایک ابدی دین ہے اس لئے قرآن کریم بھی ایک ابدی الہی کتاب ہے۔ آپ نے فرمایا کہ تلاوت قرآن مجید ایک مقدس ہنر ہے اور اس ہنر سے لوگوں کو دعا و نیایش اور ذکر خداوندی کی جانب دعوت دینے اور لوگوں کے ایمان میں اضافے کے لئے استعمال کرنا چاہئے۔
رہبرانقلاب اسلامی نے قرآن میں تدبر اور تعقل کو ضروری قرار دیتے ہوئے فرمایا کہ قرآنی علوم کی برکتوں سے استفادے کے لئے دلوں کی پاکیزگی ضروری ہے اور جوانی کے عالم میں یہ مقصد آسانی کے ساتھ حاصل کیا جاسکتا ہے۔